Jumyspen qamtý baǵdarlamasy aıasynda 132 myń adam turaqty jumysqa ornalasty

ASTANA. 19 jeltoqsan. QazAqparat - «Jumyspen qamtýdyń jol kartasy - 2020» baǵdarlamasy aıasynda 132 myń adam turaqty jumysqa ornalasty.

Bul týraly búgin Úkimet otyrysynda Eńbek jáne halyqty áleýmettik qorǵaý mınıstri Tamara Dúısenova málim etti.

«Baǵdarlamanyń negizgi nátıjesi barlyq úsh baǵyt boıynsha 241 myńnan astam adamdy jumyspen qamtý bolyp tabylady, onyń ishinde 132 myńy turaqty jumys oryndaryna baǵyttaldy»,-dedi T. Dúısenova.

Onyń sózine qaraǵanda, atalmysh baǵdarlama jumyspen qamtý ósimine ońdy yqpal etti. 2011 jylǵa deıin jaldamaly jumysshylar sanynyń ortasha jyldyq ósýi 170 myń adamdy qurasa, 2012 jyly ol 232 myń adamǵa jetti.