Jumyspen qamtý baǵdarlamasy aıasynda 1211 úı men 4516 páter salynady

ASTANA. 27 mamyr. QazAqparat - «Jumyspen qamtý-2020» baǵdarlamasy aıasynda elimizde 1211 úı men 4516 páter salynatyndyǵy josparlanǵan.

Búgin Parlament Májilisindegi Úkimet saǵatynda Eńbek jáne halyqty áleýmettik qorǵaý mınıstri Serik Ábdenov osylaı málim etti.

Mınıstrdiń aıtýynsha, búgingi kúni 789 úı men 2 864 páterdiń qurylysy aıaqtalǵan. Bul josparlanǵan baspana qurylystarynyń 65,2 paıyzyna teń. «Eńbek resýrstarynyń utqyrlyǵyn arttyrý baǵyty boıynsha kóshýge sýbsıdııany eńbekke qabiletti 4,6 myń adam aldy. Olardyń 71 paıyzy nemese 3,2 myńy ózderi kóship barǵan aýmaqta jumysqa ornalasty. Degenmen, qurylysy bitken 32 úı nemese 125 páter áli de paıdalanylmaı tur», - deıdi Eńbek mınıstri.