Jumyspen qamtý agenttiginiń dırektory alaıaq bolyp shyqty
AQTÓBE. 7 sáýir. QazAqparat /Samal Endibaeva/ - Aqtóbelik polıtseıler alaıaqtyq týraly kezekti isti tergeýde.
Oblystyq ІІD ótkizilgen brıfıng barysynda habarlanǵandaı, Sazdy polıtsııa bólimine alaıaqtyq týraly aryzdanyp birneshe adam keldi.
Olardyń aıtýynsha, ótken jyldyń qazan aıynan beri 12-shi yqshamaýdanda ornalasqan jumyspen qamtý agenttiginiń dırektory iri munaı kompanııalarynda tamyr-tanystarym bar degen jeleýmen birneshe adamdy jalaqysy 200 myń teńgeden kem emes jumysqa ornalastyramyn dep ýádege toıdyryp kelgen.
Aryzdy tapsyrǵannan soń birneshe kún ótkennen keıin ol óziniń klıentterine habarlasyp, olarǵa qajetti jumystyń tabylǵanyn habarlap, ol úshin 180 myńnan 200 myńǵa deıingi teńge kóleminde aqsha tóleý kerektigin aıtqan. Suraǵan aqshany bergennen keıin suranýshylar jalaqysy jaqsy jumystyń ornyna jalaqysy tym tómen jumystarǵa ıe bolyp otyrǵan.
Qazirgi kúni Sazdy polıtsııa bólimine 9 aqtóbelik aryzdanyp keldi, biraq olardyń aıtýynsha, zardap shekkender sany odan da kóp. Atalmysh fakti boıynsha QR QK 177-baby - «Alaıaqtyq» boıynsha qylmystyq is qozǵaldy.
Alaıaqtyń qurbany bolǵan adamdardy polıtseıler 11-shi yqshamaýdanda ornalasqan polıtsııa bólimine kelýin suraıdy.
