«Jumyspen qamtý 2020 jol kartasyn bekitý týraly» Úkimet qaýlysyna ózgeris engizildi
Atap aıtqanda, ózgeristerge sáıkes, jergilikti atqarýshy organdar 2016 jylǵy 1 qańtardan bastap halyqty jumyspen qamtý máseleleri jónindegi ýákiletti organǵa aýyldyq jerlerde feldsherlik-akýsherlik pýnktter, dárigerlik ambýlatorııalar salý jónindegi jobalardy jáne ınfraqurylymdyq jobalardy qoldanystaǵy zańnamada talap etiletin tehnıkalyq qujattamany, jobany tańdaýdy, qurylatyn jumys oryndary sany men ortasha aılyq jalaqy kórsetkishteriniń negizdemesin qosa bere otyryp, jyl saıyn 15 sáýirden keshiktirmeı usynylady. Oblys ortalyqtarynyń jáne Almaty qalasynyń aýdandaryna qosylǵan aýyldyq eldi mekenderdi qosa alǵanda, aýyldarda, kentterde, aýyldyq okrýgterde, aýdandyq mańyzy bar qalalarda jergilikti qoǵamdastyq jınalysynda jetkizilgen qarjylandyrý lımıtterine, jergilikti bıýdjet qarajaty esebinen qosa qarjylandyrý múmkindikterine, eldi mekenderdiń áleýmettik-ekonomıkalyq jaǵdaıyn damytý jáne jaqsartý qajettiligine jáne birinshi kezektiligi men ózektiligine negizdele otyryp júzege asyrylady
«QazAqparat» qujattyń tolyq mátinin jarııalaıdy.
***
«Jumyspen qamtý 2020 jol kartasyn bekitý týraly» Qazaqstan Respýblıkasy Úkimetiniń 2015 jylǵy 31 naýryzdaǵy № 162 qaýlysyna ózgerister men tolyqtyrýlar engizý týraly
Qazaqstan Respýblıkasy Úkimetiniń 2016 jylǵy «22» shildedegi № 421 qaýlysy
Qazaqstan Respýblıkasynyń Úkimeti QAÝLY ETEDІ:
1. «Jumyspen qamtý 2020 jol kartasyn bekitý týraly» Qazaqstan Respýblıkasy Úkimetiniń 2015 jylǵy 31 naýryzdaǵy № 162 qaýlysyna (Qazaqstan Respýblıkasynyń PÚAJ-y, 2015 j., № 15, 90-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Jumyspen qamtý 2020 jol kartasynda:
«Birinshi baǵyt: ınfraqurylymdy jáne turǵyn úı-kommýnaldyq sharýashylyqty damytý esebinen jumyspen qamtýdy qamtamasyz etý» degen kishi bólimde:
12-tarmaqtyń birinshi bóligi mynadaı redaktsııada jazylsyn:
«12. Jergilikti atqarýshy organdar 2016 jylǵy 1 qańtardan bastap halyqty jumyspen qamtý máseleleri jónindegi ýákiletti organǵa (budan ári - Baǵdarlama operatory) óńirlik damý salasyndaǵy basshylyqty júzege asyratyn Qazaqstan Respýblıkasynyń memlekettik atqarýshy organymen kelisilgen, Baǵdarlama sheńberinde iske asyrý usynylatyn aýyldyq jerlerde feldsherlik-akýsherlik pýnktter, dárigerlik ambýlatorııalar salý jónindegi jobalardy jáne ınfraqurylymdyq jobalardy qoldanystaǵy zańnamada talap etiletin tehnıkalyq qujattamany, jobany tańdaýdy, qurylatyn jumys oryndary sany men ortasha aılyq jalaqy kórsetkishteriniń negizdemesin qosa bere otyryp, jyl saıyn 15 sáýirden keshiktirmeı usynady.»;
mynadaı mazmundaǵy 19-1 jáne 19-2 tarmaqtarmen tolyqtyrylsyn:
«19-1. Qazaqstan Respýblıkasy Úkimettiń arnaıy rezervinen bólingen qarajat sheńberinde ınfraqurylymdy (áleýmettik-mádenı obektiler, ınjenerlik-kólik ınfraqurylymy), TKSh-ny aǵymdaǵy jáne ortasha jóndeýdi, abattandyrýdy kózdeıtin jobalardy irikteý rásimi 2014 jylǵy 1 qańtardan bastap oblys ortalyqtarynyń jáne Almaty qalasynyń aýdandaryna qosylǵan aýyldyq eldi mekenderdi qosa alǵanda, aýyldarda, kentterde, aýyldyq okrýgterde, aýdandyq mańyzy bar qalalarda jergilikti qoǵamdastyq jınalysynda mynalarǵa:
1) jetkizilgen qarjylandyrý lımıtterine;
2) jergilikti bıýdjet qarajaty esebinen qosa qarjylandyrý múmkindikterine;
3) eldi mekenderdiń áleýmettik-ekonomıkalyq jaǵdaıyn damytý jáne jaqsartý qajettiligine;
4) birinshi kezektiligi men ózektiligine negizdele otyryp júzege asyrylady.
Jergilikti qoǵamdastyq jınalysyn ótkizý nátıjesi boıynsha hattama jasalady.
Jergilikti atqarýshy organdar derekterdi jınaqtaǵan soń bes jumys kúni ishinde Baǵdarlama operatoryna jergilikti qoǵamdastyq jınalasynyń hattamasyn qosa bere otyryp, jobalardyń tizbesin usynady.
19-2. Qazaqstan Respýblıkasy Úkimettiń arnaıy rezervinen bólingen qarajat sheginde júzege asyrylatyn ınfraqurylymdy (áleýmettik-mádenı obektiler, ınjenerlik-kólik ınfraqurylymy), TKSh-ny aǵymdaǵy jáne ortasha jóndeýdi, abattandyrýdy kózdeıtin jobalardy qarjylandyrý lımıtin Baǵdarlama operatory jergilikti atqarýshy organdarǵa 2014 jylǵy 1 qańtardan bastap oblys ortalyqtarynyń jáne Almaty qalasynyń aýdandaryna qosylǵan aýyldyq eldi mekenderdi qosa alǵanda, aýyldarda, kentterde, aýyldyq okrýgterde, aýdandyq mańyzy bar qalalarda turatyn halyqtyń sanyna baılanysty jetkizedi.
Bul rette qarjylandyrý lımıtin bólgen kezde damý áleýeti tómen aýyldar men kentter alyp tastalady.»;
22-tarmaq mynadaı redaktsııada jazylsyn:
«22. Infraqurylymdyq jobalardy iske asyrýǵa qatysatyn Baǵdarlamaǵa qatysýshylar men jumys berýshiler týraly málimetter áleýmettik-eńbek salasynyń biryńǵaı aqparattyq júıesinde ornalastyrylady.»;
97-tarmaqtyń tórtinshi bóligi mynadaı redaktsııada jazylsyn:
«Bul rette Astana jáne Almaty qalalaryn qospaǵanda, jergilikti atqarýshy organdar halyqty jumyspen qamtýdy qamtamasyz etý jáne jumyssyzdyqtyń qolaıly deńgeıin saqtaý qajettiligine baılanysty jetkizilgen lımıttiń jalpy somasynyń 70 %-yna deıin aýyldyq jerlerge jiberýge tıis.».
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K. Másimov
