«Jumyspen qamtý - 2020» memlekettik baǵdarlamasynyń jetilmeı jatqan jaqtary bar - Májilis depýtaty
Gúlmıra Isimbaeva málim etti.
Onyń sózine qaraǵanda, «Jumyspen qamtý - 2020» memlekettik baǵdarlamasyna monıtorıng júrgizý jónindegi top ókilderi búgingi otyrysta baǵdarlamany júzege asyrýda qandaı kemshilikter bar ekenin anyqtap, olar boıynsha nendeı sharalar atqarýlary qajettigin sheshýleri kerek. «Biz búgin jibergen qatelikterimizdi erteń jibermeýimiz kerek. Muny aıtyp otyrǵan sebebim, atalmysh baǵdarlama boıynsha arnaıy oqytyp, bilim bergen azamattar mamandyqtaryna sáıkes jumyspen qamtamasyz etilýleri kerek. ıAǵnı biz sóz etip otyrǵan baǵdarlama boıynsha, bilim alyp jatqan jastyń qandaı mamandyq boıynsha qandaı jumys isteıtinin aldyn ala bilýimiz kerek», - deıdi depýtat.
Onyń sózinshe, «Jumyspen qamtý - 2020» memlekettik baǵdarlamasy óziniń mindetine saı jumys istep otyrǵan joq. Óıtkeni munda osy baǵdarlama aıasynda beriletin shaǵyn nesıeniń paıyzdyq kórsetkishiniń joǵary bolýy sııaqty problemalar bar. «Al jumyspen qamtý sharalary qalaısha júzege asýy kerek. ıAǵnı biz jergilikti jerde jumys istep turǵan kásiporyndarda jumys kúshi jetpegen jaǵdaıda ǵana ol jerge qajetti mamandardy alyp kelip, jumysqa ornalastyrýymyz kerek. Jáne osy jumysshylar úshin baǵdarlama aıasynda turǵyn úı salý kerek. Al qazirgi jaǵdaıda bári kerisinshe júrip jatyr. Biz aldymen úı salyp alyp, sodan soń ol jerge jumys kúshin aparamyz. Al ol jerde jumys kúshine degen qajettilik bar ma, joq pa, ol jaǵy eskerilip jatqan joq»,- deıdi G.Isimbaeva.