«Jumyspen qamtý - 2020» baǵdarlamasynyń qarajatyn tıimsiz jumsaǵan sheneýnikter jumystan ketýi múmkin
Qazirgi kezde Respýblıkalyq bıýdjettiń atqarylýyn baqylaý jónindegi esep komıteti «Jumyspen qamtý - 2020» baǵdarlamasy aıasynda 39,1 mlrd. teńgeniń tártip buzýshylyqtaryn anyqtap otyr. Onyń basym bóligi - qujatty ýaqytynda tapsyrmaý, ıgerilmegen qarjyny qaıta qaıtarý, kelisim-sharttardy durys rásimdemeý sııaqty zań buzý oqıǵalary. Alaıda jergilikti atqarýshy organdar tarapynan bıýdjet qarajatyn maqsatsyz jumsaý áreketteri de bolǵan. Osyǵan baılanysty QR Premer-Mınıstriniń orynbasary Erbol Orynbaev ortalyq jáne jergilikti atqarýshy organdarǵa tıisti tapsyrma berdi. «Jumyspen qamtý - 2020» baǵdarlamasyn iske asyrý kezinde bıýdjet qarajatynyń tıimsiz jumsalýyna jol bergen laýazymdy tulǵalar qatań tártiptik jazaǵa tartylsyn, tipti olardyń óz qyzmetterine qanshalyqty saı ekendikterin jan-jaqty tekserip shyǵý qajet», - dedi E.Orynbaev.