«Jumyspen qamtý-2020» baǵdarlamasynyń arqasynda 19 jasar almatylyqtyń jumysy men turaqty jalaqysy bar

ASTANA. 23 sáýir. QazAqparat - 1993 jyly dúnıege kelgen Baımuhambetov Azat ákesinen týǵannan erte jetim qaldy. Ony ájesi tárbıelegen bolatyn.

2009 jyly Azat Almaty qalasynyń № 123 mektebiniń 9 synybyn aıaqtaǵan edi. Aýyr otbasylyq jaǵdaı - 79 jastaǵy ájesiniń Azattyń qaraýynda bolǵanyna baılanysty - erteńgi kúnine senimdi bolyp, turaqty jalaqy alyp turý maqsatymen ol Jumyspen qamtý ortalyǵyna bardy.

«Jumyspen qamtý-2020» baǵdarlamasynyń birinshi baǵytynyń qatysýshysy bolǵan Azat jumysqa ornalasý úshin «Jamanbalınova» JK-ǵa jiberilip, onda tehnık qyzmetine alyndy. Óz jumysyna Azat rıza, ony adal atqaryp, bolashaqta ósý úshin tájirıbe jınaýda.

A.Baımuhambetov memleketke naqty qoldaý, eńbekke ornalastyrý, tabysyn jaqsartýǵa kómek kórsetkeni jáne materıaldyq ıgilikke qol jetkizgeni úshin rızashylyǵyn bildirdi.