Jumyspen qamtý 2020» baǵdarlamasyna qatysý máselesi boıynsha eńbekpen qamtý ortalyqtaryna 78 myń adam habarlasty

Bul týraly búgin Úkimet otyrysynda Eńbek jáne halyqty áleýmettik qorǵaý mınıstri Gúlshara Ábdiqalyqova aıtty.

«Qarastyrylǵan ótinimderdiń negizinde 51,6 myń adam baǵdarlamaǵa qatysýshylar tizimine engizildi. Onyń ishinde 50,8 myńy áleýmettik kelimsimshartqa qol qoıdy»,-dedi mınıstr.

Vedomstvo basshysynyń sózine qaraǵanda, kelisimshartqa qol qoıǵandardyń 58 paıyzy 29 jasqa deıingi jastar ( 29,7 myń adam).

Óńirlik kórsetkishterge toqtalsaq, «Jumyspen qamtý 2020» baǵdarlamasy aıasyndaǵy áleýmettik kelisimshartqa ShQO, OQO jáne Atyraý men Pavlodar oblystary kóbirek qatysty. Baǵdarlama boıynsha oqytý sharalarymen 66,5 myń adam qamtyldy. Bul jospardaǵy kórsetkishtiń 90,9 paıyzyn qurap otyr. Olardyń ishinen kásibı daıyndyqpen 43,9 myń adam qamtyldy, al qaıta daıyndyqqa 19,1 myń adam baǵyttaldy. Sondaı-aq 3,5 myńy biliktilikti arttyrý boıynsha daıyndyqtan ótedi.

Kásibı bilim berý sharalaryna el boıynsha 430 tehnıkalyq jáne kásibı bilim berý uıymdary jumyldyryldy.