«Jumyspen qamtý-2020» baǵdarlamasyna birqatar jańalyqtar engizildi
dep habarlady Eńbek mınıstrliginiń Halyqty jumyspen qamtý departamentiniń dırektory Dáýlet Arǵandyqov Pm.kz saıtyna bergen suhbatynda.
2011 jyly «Jumyspen qamtý-2020» baǵdarlamasy ilki rejimde iske asyryldy. «Eger, baǵdarlamanyń nátıjesi týraly aıtatyn bolsaq, onymen 100 myńdaı adam qamtylyp otyr. Eń tanymal baǵyt - kásiptik oqytý bolyp tabylady. Atap aıtqanda, kásiptik oqýmen 70 myńdaı adam qamtyldy»,- dep habarlady D.Arǵandyqov.
Oǵan qosa, 1435 qazaqstandyq shaǵyn nesıe aldy, 5 myńdaı adam kásipkerlik negizderin oqyp-úırendi. 2011 jyldyń qorytyndysy boıynsha Baǵdarlama aıasynda 38 myńnan astam jumysqa turǵyzyldy, onyń ishinde 16 myń adam áleýmettik jumys oryndarymen qamtyldy.
Úkimet qabyldaǵan sharalardyń arqasynda, 2011 jyldyń IV toqsanynyń qorytyndysy boıynsha jumyssyzdyq deńgeıi 5,4 paıyzdy qurady. Eńbek naryǵyndaǵy jaǵdaı turaqty bolyp qalyp otyr.
«Biz Baǵdarlamany iske asyrýdyń belsendi kezeńine kiristik. Biz jańa tetiktergi engizýdemiz, halyqty keńinen qamtýdy josparlap otyrmyz, jastar tájirıbesi boıynsha jańa shara qolǵa alatyn bolamyz»,- dep habarlady Halyqty jumyspen qamtý departamentiniń dırektory D.Arǵandyqov.
Sonymen qatar, «baǵdarlamanyń negizi aýyldyq jerlerge baǵyttalǵandyqtan, jańa baǵyt - aýyldaǵy ınfraqurylymdardy damytý baǵytyn engizý josparlanyp otyr. Bul jóndeý jumystaryn, áleýmettik nysandardy abattandyrý jáne t.b. sharalardy qamtıdy»,- dep atap kórsetti Dáýlet Arǵandyqov.
Jáne aǵymdaǵy jyly bıznes-protsesterdi ońtaılandyrý jónindegi is-sharalar júrgiziledi, qajetti qujattardyń tizbesi 2 esege qysqartylady.
«Jumyspen qamtý-2020» baǵdarlamasyn iske asyrýǵa 2012 jyly 62,3 mlrd. teńge bólinip otyr, onyń 12 mlrd. teńgesi shaǵyn nesıelerge qarastyrylǵan (2011 jyly bul baǵytqa 3,5 mlrd. teńge bólingen bolatyn).