«Jumyspen qamtý-2020» baǵdarlamasyna aýyl ınfraqurylymyn damytý jónindegi jańa baǵyt engiziledi

ASTANA. 25 naýryz. QazAqparat - Aǵymdaǵy jyly «Jumyspen qamtý-2020» baǵdarlamasyna aýyldyq jerlerde jumys oryndaryn qurýdy jáne aýyldaǵy ınfraqurylymdy damytýdy qarastyratyn jańa baǵyt engizilmek.

Bul is-sharalardy iske asyrýǵa 10 mlrd. teńge bólinedi, dep habarlaıdy pm.kz saıty.

Elbasy N.Nazarbaev «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Joldaýynda halyqty jumyspen qamtý baǵdarlamasyn keńinen iske asyrý jónindegi mindet qoıdy.

«Úkimetke jáne ákimderge aǵymdaǵy jyldan bastap osy baǵdarlamany keńinen iske asyrýdy mindetteımin», - dedi Elbasy N.Á.Nazarbaev.

Eńbek jáne halyqty áleýmettik qorǵaý mınıstrliginiń aqparaty boıynsha, baǵdarlamaǵa aýyldaǵy ınfraqurylymdyq  jobalardy damytýdy qarastyratyn tórtinshi baǵyt engiziletin bolady.

Vedomstvodan habarlaǵandaı, aýyldyq jerlerde áleýmettik jáne ınjenerlik-kommýnıkatsııalyq ınfraqurylymdardy jóndeý jáne jańalaryn salý, aýyldardy abattandyrý sharalary qarastyrylyp otyr. Atap aıtqanda, kommýnaldyq-ınjenerlik, ınjenerlik-kólik ınfraqurylym nysandary (sý qubyrlary, káriz jelileri, gazben, jylýmen, elektr qýatymen jabdyqtaý júıeleri, joldar) jóndeledi. Oǵan qosa, áleýmettik ınfraqurylymdardy - bilim berý, densaýlyq saqtaý, áleýmettik qamtamasyz etý, mádenıet, sport jáne demalys nysandaryn jańartý josparlanýda.

Aýyldardy abattandyrý isine «Jumyspen qamtý» baǵdarlamasyna qatysýshylar jumyldyrylmaq, ıaǵnı bul shara aýyldyń ınfraqurylymyn jaqsartyp qana qoımaı, turǵyndardy jumyspen qamtýǵa múmkindik beretin bolady.

Jumyspen qamtý baǵdarlamasynyń sharalarymen 2015 jylǵa deıin 1,5 mln. adamdy qamtý josparlanýda. Baǵdarlamany iske asyrýdyń arqasynda kedeıshiliktiń deńgeıi 6 paıyzǵa deıin tómendeıdi, al jumyssyzdyq deńgeıi 5,5 paıyzdan aspaıtyn bolady.