«Jumyspen qamtý 2020» baǵdarlamasyna 187,5 myń adam tartyldy

ASTANA 7 aqpan. QazAqparat - Halyqtyń belsendiligin arttyrýǵa «Jumyspen qamtý 2020» baǵdarlamasy uıytqy bolyp otyr.

Bul týraly búgin Eńbek jáne halyqty áleýmettik qorǵaý mınıstrliginiń keńeıtilgen alqa májilisinde atalǵan vedomstvonyń basshysy Serik Ábdenov málim etti.

Mınıstrdiń sózine qaraǵanda, baǵdarlama júzege asyryla bastaǵannan beri oǵan 187,5 myń adam tartylǵan. Respýblıkalyq bıýdjetten 95 mlrd. teńge bólindi. Qatysýshylardyń jalpy sanynyń 27 paıyzyn - ózin-ózi jumyspen qamtıtyndar, 66 paıyzyn - jumyssyzdar, sondaı-aq 6 paıyzyn áleýmettik turǵyda az qamtylǵandar qurady. Baǵdarlamanyń birinshi baǵyty aıasynda 59,5 myń adam oqytylyp, 38,5 azamat jumyspen qamtyldy.

Budan bólek baǵdarlamanyń ekinshi baǵyty boıynsha 8 myńnan astam adam nesıege qol jetkizip, 11 myń adam kásipkerlik negizinen tálim aldy.