«Jumyspen qamtý-2020» baǵdarlamasy sheńberinde bilim alǵan 38 myń adam jumysqa ornalasty

Bul týraly búgin Eńbek jáne halyqty áleýmettik qorǵaý mınıstri Gúlshara Ábdiqalyqova jýrnalıstermen ótken brıfıngte málim etti.

«Byltyrǵy ilki jobada elimizdiń barlyq oblystarynda, aýdandarda  jumyspen qamtý baǵdarlamasyna oraı arnaıy ortalyqtar qurylǵany belgili. Onda úkimettik organdardan bólek, qoǵamdyq uıymdardan da komıssııa músheleri qamtyldy. Sonymen qatar, «Jumyspen qamtý-2020» baǵdarlamasy ilki joba retinde engendikten, byltyrǵy 6 aı ishinde 40 mlrd. teńge osy baǵdarlamaǵa qarastyrylǵan edi. Baǵdarlama negizgi úsh baǵytty qamtydy», - dedi Gúlshara Ábdiqalyqova 2011 jyly atqarylǵan sharalarǵa toqtalyp.

Mınıstrdiń aıtýynsha, byltyrǵy jyly «Jumyspen qamtý-2020» baǵdarlamasynyń alǵashqy kezeńinde 60 myńǵa tarta adam osy baǵytta  tartylǵan. Onyń ishinde oqytý, qaıta oqytý, kásibı biliktiligin arttyrý baǵdarlamasy arqyly bilim alyp shyqandar basym.

«Qazirgi tańda olardy jumyspen qamtamasyz etý máselesi ózekti retinde qarastyrylyp otyr. Baǵdarlama boıynsha 38 myńǵa tarta adam jumysqa ornalasqan bolatyn.  Búgingi Úkimet otyrysynda árbir oblystar ákimdikterine baǵdarlama sheńberinde oqytylǵan azamattardy jumyspen tolyq qamtý týraly tapsyrmalar júkteldi», - deıdi mınıstr.