«Jumyspen qamtý - 2020» baǵdarlamasy boıynsha kásiptik bilim berýge jumsalǵan 13 mıllıard teńgeniń 12,7 mıllıardy ıgerildi
ASTANA. 7 aqpan. QazAqparat /Aıdar Ospanalıev/ - «Jumyspen qamtý - 2020» baǵdarlamasynyń birinshi baǵyty azamattardy oqytý men olardy jumysqa ornalastyrý máselelerin qamtıdy. Al kásiptik bilim berý isine 13 mıllıard teńge jumsalyp, olardyń 12,7 mıllıard teńgesi ıgerildi.
Bul týraly búgin on-laın rejıminde ótken Úkimettiń selektorlyq májilisinde «Jumyspen qamtý - 2020» baǵdarlamasynyń ótken jylǵy qorytyndylary jóninde baıandama jasaǵan Eńbek jáne halyqty áleýmettik qorǵaý mınıstri Gúlshara Ábdihalyqova málim etti.
Mınıstrdiń málimetterinshe, oqytý isine 431 bilim berý mekemesi, ıaǵnı negizinen kásiptik lıtseıler men kolledjder jumyldyryldy. Oqytý jumystarymen 69 myń adam qamtyldy. «Esterińizde bolsa 2009-2010 jyldardy qamtıtyn «Jol kartasy» baǵdarlama aıasynda elimizde birqatar azamattar kásiptik bilim berý júıesi boıynsha bilim ala bastaǵan bolatyn. «Jumyspen qamtý - 2020» baǵdarlamasy boıynsha biz osyndaı 26 myń azamattyń oqýyn jalǵastyrýlaryna múmkindik jasadyq», - dedi G.Ábdihalyqova.
