«Jumyspen qamtý - 2020» baǵdarlamasy aıasyndaǵy jumys oryndary gastarbaıterlerge emes qazaqstandyqtar úshin qurylady - Memleket basshysy
ASTANA. 27 qańtar. QazAqparat /Marlan Jıembaı/ - «Jumyspen qamtý - 2020» baǵdarlamasy aıasyndaǵy jumys oryndary gastarbaıterlerge emes qazaqstandyqtar úshin qurylady.
Bul týraly búgin Úkimet otyrysynda Memleket basshysy Nursultan Nazarbaev aıtty.
«Jumyspen qamtý - 2020» baǵdarlamasy kadrlardyń shynaıy qajettiligin eskerýsiz júzege asyrylýda»,-dedi Elbasy.
Memleket basshysynyń paıymynsha, bul oraıda, basty krıterıı qansha jumys ornynyń qurylǵandyǵynda emes, qansha qazaqstandyqtyń shynaıy jumys ornyna ornalasqandyǵynda ári qandaı kadr tapshylyǵy bar ekendiginde bolýy tıis.
Elbasynyń atap ótýinshe, másele elimizdegi joǵarǵy oqý oryndaryna da tikeleı baılanysty. Úkimet joǵary oqý oryndaryna, Bilim jáne ǵylym mınıstrligine qazirgi ýaqytta ári bolashaqta qandaı mamandyq ıelerin daıyndaý kerektigine tapsyrys berýi kerek. «Óıtkeni, bul jumys oryndaryn biz gastarbaıterlerge emes qazaqstandyqtarǵa quramyz»,-dedi Prezıdent.
