«Jumyspen qamtý-2020» baǵdarlamasy aıasynda monoqalalarda jańa jumys oryndary ashylady
ASTANA. 26 naýryz. QazAqparat - Monoqalalarda áleýmettik jumys oryndaryn ashý jáne jastar tájirıbesin uıymdastyrý esebinen turǵyndardy jumysqa ornalastyrýǵa kómektesý boıynsha tıisti sharalar qabyldanatyn bolady,
dep habarlady pm.kz saıty Ekonomıkalyq damý jáne saýda mınıstrliginiń baspasóz qyzmetine silteme jasap.
«Monoqalalardaǵy eńbek resýrstarynyń artyqtyǵy men monobaǵyttardy esepke ala otyryp, qalalarda ońtaıly jumyspen qamtý qurylymyn qalyptastyrýǵa jáne jańa qurylatyn óndiristerge baǵyttala otyryp, eńbek resýrstaryn ekonomıkalyq ósimi bar oblystarǵa shoǵyrlandyrýǵa basa nazar bólinetin bolady», - delingen habarlamada.
Sonymen qatar, «Jumyspen qamtý-2020» baǵdarlamasy aıasynda kadrlardy daıarlaý, qaıta daıarlaý jáne biliktilikterin arttyrý isi Indýstrııalandyrý kartasynyń iri ınvestıtsııalyq jobalaryn júzege asyrýǵa baǵyttalatyn bolady.
Sonymen qatar, qurylyp jatqan Aımaqaralyq biliktilik arttyrý ortalyqtarynda (Atyraý, Óskemen, Ekibastuz, Shymkent qalalarynda ashylatyn) monoqalalardaǵy jastardy oqytý úshin kvotalar kózdelgen.
