«Jumyspen qamtý - 2020» baǵdarlamasy aıasynda Aqmola oblysyna 2 mlrd. teńge bólindi - G. Ábdihalyqova

ASTANA. 2 naýryz. QazAqparat - Bıyl «Jumyspen qamtý - 2020» baǵdarlamasy aıasynda Aqmola oblysyna 2 mlrd. teńgeden astam qarjy bólindi.

Bul týraly búgin Aqmola oblysyna sapary barysynda QR Eńbek jáne halyqty áleýmettik qorǵaý mınıstri Gúlshara Ábdihalyqova málim etti. 

Mınıstrdiń aıtýynsha, byltyr qanatqaqty joba retinde óńirge 1 mlrd. 13 mln. teńge bólingen. 2012 jyly onyń somasy eki ese arttyryldy. 

«Birinshi baǵyt boıynsha, 2 myńnan astam jastar oqýdan ótedi. Ekinshi baǵyt boıynsha, 180 mln. nesıe beriledi. Oǵan júz adam qatysady dep josparlanyp otyr. Sonymen qatar, aýyldardaǵy 28 áleýmettik nysan jóndeýden ótkiziledi. Endigi maqsat buny ár aýylǵa, ár azamatqa, ár otbasyǵa jetkizý», - dedi G. Ábdihalyqova.