«Jumyspen qamtý-2020» baǵdarlamasy aıasynda 127 nysan múgedekterge beıimdetildi

ASTANA. QazAqparat - Qazaqstanda bıyl «Jumyspen qamtýdyń jol kartasy-2020» baǵdarlamasy aıasynda 127 nysan múmkindigi shekteýli jandarǵa oraı beıimdetildi. Bul týraly búgin Ortalyq kommýnıýkatsııalar qyzmetinde ótken brıfıngte QR Densaýlyq saqtaý jáne áleýmettik damý vıtse-mınıstri Svetlana Jaqypova aıtty.

«Jalpy elimizde 54 myń nysan qujattandyrýdan ótýi tıis bolatyn. Bıyl onyń 22 myńy qujattandyrýdan ótip, shamamen 127-si «Jumyspen qamtýdyń jol kartasy-2020» baǵdarlamasy aıasynda jáne jergilikti atqarýshy organdardyń qarjylandyrýymen múgedekterge arnalyp beıimdetildi», - dep atap ótti ol.

Onyń aıtýynsha, 2014 jyly «Jumyspen qamtý» baǵdarlamasy arqyly barlyǵy 179 nysandy beıimdeý josparlanýda. Al jergilikti bıýdjet arqyly 905 nysan beıimdetiledi.

«Nysandy beıimdeý degenimiz tek pandýs salý emes. Sonymen qatar, ǵımarattyń aınalasyn, kireberisin beıimdep, esiktiń enin sáıkesinshe keńeıtý, pandýstardyń bıiktigin ólshemge sáıkesteý jáne eger ǵımarat kópqabbatty bolsa, arnaıy kóterý qurylǵylaryn salý degen sóz. ıAǵnı bul keshendi sharalar. Sondyqtan búginde atalǵan 127 nysan solyqtaı beıimdeýden ótti dep aıta alamyz. Osy rette biz ÚEU-men tyǵyz baılanys jasaýdamyz», - dep atap ótti vıtse-mınıstr.

Aıta keteıik, búginde elimizde 600 myńnan astam múmkindigi shekteýli azamattar bar, bul jalpy el halqynyń 3,5 paıyzyn quraıdy.