«Jumyspen qamtý - 2020» baǵdarlamasy 100 myń qazaqstandyqty eńbekpen qamtydy - G.Ábdiqalyqova
ASTANA. 23 shilde. QazAqparat - «Jumyspen qamtý - 2020» baǵdarlamasy júzege asyryla bastaǵannan bergi ýaqytta shamamen 100 myń qazaqstandyq eńbekpen qamtyldy.
Bul týraly búgin QR Eńbek jáne halyqty áleýmettik qorǵaý mınıstrliginiń alqa májilisinde vedomstvo basshysy Gúlshara Ábdiqalyqova aıtty.
Bul rette baǵdarlamaǵa qatysýǵa 110 myń adamnyń nıet tanytqandyǵyn basa aıtqan mınıstr: «Áleýmettik kelisimshart jasasqandardyń 66,7 paıyzy - jumyssyzdar, 29,2 paıyzy ózini ózi jumyspen qamtyǵandar jáne 4,5 paıyzy áleýmettik jaǵynan az qamtylǵandar. Baǵdarlamaǵa qatysýshylardyń jartysynan astamy (57 paıyzy nemese 63 myń adam) 29 jasqa deıingi jastar», -dedi.
Sonymen qatar G.Ábdiqalyqovanyń atap ótýinshe, baǵdarlamany júzege asyrýǵa shamamen 100 mlrd. teńge bólingen. Bıýdjet qarajatynyń jartysynan astamy qazirdiń ózinde tolyǵymen ıgerilgen.
