«Jumyspen qamtý-2020»: 2015 jyly 150 myńnan astam qazaqstandyq jumyspen qamtyldy

ASTANA. QazAqparat - 2015 jyly «Jumyspen qamtý-2020» baǵdarlamasy aıasynda 150 myńnan astam qazaqstandyq jumyspen qamtyldy. Bul týraly búgin Ortalyq kommýnıkatsııalar qyzmetinde QR Densaýlyq saqtaý jáne áleýmettik damý vıtse-mınıstri Birjan Nurymbetov málim etti.

«2015 jyly «Jumyspen qamtý-2020» baǵdarlamasy aıasynda 156 myń qazaqstandyq jumyspen qamtyldy. Olardyń ishinde 142,3 myńy turaqty jumys oryndaryn tapty. Sonymen qatar baǵdarlama sheńberinde 4,4 múmkindigi shekteýli azamattar, 3 myńǵa jýyq mektep túlegi, bas bostandyǵynan aıyrý oryndarynan shyqqan 300 azamat, 280 oralman, 200 balalar úıiniń tárbıelenýshileri men ata-anasynyń qamqorlyǵynsyz qalǵandar qoldaýǵa ıe boldy», - dedi vıtse-mınıstr.

B. Nurymbetovtiń aıtýyna qaraǵanda, óńirlik jumyspen qamtý keshendi josparlaryn oryndaý aıasynda 2015 jyly 423 myń adam qamtyldy, bul josparlanǵan deńgeıden 131 paıyzǵa kóp. Nátıjesinde 396 myń adam jumysqa ornalastyryldy, olardyń 218 myńy - turaqty jumys oryndary.