Jumysqa turý kezinde otandyq JOO túlekteri «Bolashaq» baǵdarlamasynyń túlekterimen teń deńgeıde básekelesýi tıis - A. Bıjanov

ASTANA. QazAqparat - Jumysqa turý kezinde otandyq JOO-lardyń túlekteri «Bolashaq» baǵdarlamasynyń túlekterimen teń deńgeıde básekelesýi tıis. Bul týraly búgin Astanada «Bolashaq» baǵdarlamasynyń (BARCEF-2015) jyl saıynǵy halyqaralyq konferentsııasynda QR Parlamenti Senatynyń depýtaty, Áleýmettik-mádenı damý jáne ǵylym komıtetiniń tóraǵasy Aqan Bıjanov málim etti.

«Sońǵy jyldary elimizdegi joǵary oqý oryndarynyń júıesi únemi jetildirilip otyrǵandyǵyn, laıyqty bilim alý úshin qajetti jaǵdaılar jasalyp jatqandyǵyn atap ótken jón. Sonymen qatar jastardyń bir bóligi «Bolashaq» baǵdarlamasynan tys shet elderde oqyp jatyr. Bilim alyp jatqandardyń sapasy men jaýapkershiligin arttyrý maqsatynda, otandyq jáne sheteldik oqý oryndarynyń túlekteri «Bolashaq» baǵdarlamasy túlekterimen teń dárejede jumysqa ornalasý boıynsha básekeles alańda teńdeı talaptarmen qatysýy qajet», - dedi depýtat.

Sóz sońynda A. Bıjanov «Bolashaq» baǵdarlamasy álemdik bilim berý júıesine qosyla otyryp, adamı kapıtaldy damytý salasynda ozyq joba bolǵandyǵyn atap ótti.