Jumysqa ornalastyrý ortalyǵyn qurýdamyz - Q. Kelimbetov
ANA. 10 naýryz. QazAqparat /Arman Asqarov/ - Búgingi tańda biz asa batyl jospardy júzege asyrýdy josparlap otyrmyz.
«Samuryq-Qazyna» qory janyndaǵy Korporatıvtik ýnıversıtettiń negizinde Jumysqa ornalastyrý ortalyǵy qurylýda. Bul týraly búgin Astanada bastalǵan «Adam resýrstaryn basqarý: HR ınnovatsııalar» taqyrybyndaǵy VI halyqaralyq konferentsııasynda «Samuryq-Qazyna» ulttyq ál-aýqat qorynyń tóraǵasy Qaırat Kelimbetov málim etti.
Onyń habarlaýynsha, elektrondy portal úlgisinde jumys isteıtin ortalyqta barlyq qyzmetkerler týraly aqparat jınaqtalyp, alǵash ret beıne-ómirbaıan sııaqty jeke qujattar engizilmek. «Osynyń arqasynda biz «Bolashaq» baǵdarlamasy boıynsha sheteldiń jetekshi ýnıversıtetterinde bilim alyp júrgen daryndy jastardyń, sondaı-aq iri korporatsııalarda eńbek etip jatqan mamandardyń jeke aqparatymen tanysa alamyz. Olar bolsa, «Samuryq-Qazyna» qory aıasynda ótip jatqan barlyq konkýrstarǵa qatysa alady», - deıdi Q.Kelimbetov.
Sondaı-aq qor tóraǵasy atap kórsetkendeı, portal negizinde vırtýaldy mektep pen ıdeıalar bankin qurý josparlanyp otyr. «Portalǵa kiretin azamattar alǵash ret qor jáne oǵan qarasty barlyq kompanııalardyń basshylyǵymen tikeleı baılanysqa shyǵa alady», - dedi Q.Kelimbetov.
