Jumysqa ornalaspaq bolǵan 12 aqtóbelik aldanyp qaldy

2021 jyldyń qyrkúıek aıynan beri Aqtóbe qalasynyń turǵyny on eki adamdy aldady. Kúdikti Temir aýdanynyń 40 jastaǵy turǵynyn kompanııalardyń birine operator etip jumysqa ornalastyrýǵa ýáde berip, óz qyzmeti úshin 60 000 teńge suraǵan. Aqshany alǵan soń, habarsyz ketken.
«Jedel-izdestirý sharalary barysynda polıtsııa qyzmetkerleri Aqtóbe qalasynyń 26 jastaǵy turǵynyn anyqtap, ustady. Kúdiktiniń taǵy 11 adamdy aldaǵany anyqtaldy. QR QK «Alaıaqtyq» baby boıynsha sotqa deıingi tergeý júrgizilip jatyr. Osy baptyń sanktsııasy múlkin tárkileı otyryp, úsh jyldan jeti jylǵa deıingi merzimge bas bostandyǵyn shekteýdi ne sol merzimge bas bostandyǵynan aıyrýdy kózdeıdi. Moıyndaý aıǵaqtary bar»,- dedi oblystyq PD baspasóz qyzmetiniń jetekshisi Erbolat Sarqulov.