Jumysqa kelmeıtin sheneýnikke 10 jyl boıy jalaqy tólengen
ASTANA. QazAqparat - Ispanııanyń Valensııa zańnamalyq jınalysy provıntsııanyń muraǵat isimen aınalysatyn qyzmetkerdi jumystan shyǵardy. Ol 10 jyl boıy jumysqa kelmese de jalaqy alyp kelgen, dep habarlaıdy RIA Novostı
Muraǵat qyzmetkeri Karles Resıo 2006 jyldan beri jyl saıyn 50 myń eýro jalaqy alǵan. Ol jumysqa saǵat 7.00-de kelip, kelgendigin elektrondyq júıemen rastap bolǵasyn, jarty saǵattan soń ǵımarattan ketip, saǵat 16.00-den kelip jumys ýaqytynyń aıaqtalǵandyǵy týraly belgiden ótken. Sóıtip ol 10 jylyn ótkizgen.
Onyń aıtýyna qaraǵanda, ol osy jyldar ishinde únemi "qara jumystar" jasaǵan.
Karles jumystan «bos» ýaqytynda sýret salýmen aınalysqan.
Qazirgi ýaqytta depýtattar Karles Resıonyń tikeleı basshysy muraǵat dırektory Marıı Hose Gıldy qandaı jaýapkershilikke tartý máselesin qarap jatyr.
