«Jumysbastylyq» aktsııasy elordada balalar eńbegin paıdalaný faktilerin áshkereledi
ASTANA. 13 shilde. QazAqparat - Elorda aýmaǵynda polıtsııa qyzmetkerleri úsh kún ishinde, 10-ynan 12 shildege deıin «Jumysbastylyq» respýblıkalyq aktsııasyn ótkizdi,
dep habarlaıdy qalalyq ІІD-niń baspasóz qyzmeti.
Aktsııa aıasynda kámeletke jasy tolmaǵandardy jumysqa paıdalanýdy áshkereleý, jaz mezgilindegi jasóspirimder arasyndaǵy quqyqbuzýshylyqtyń aldyn alý men eskertý, alkogol ishimdikterin ishý men túngi oıyn-saýyq oryndaryna barý faktilerin anyqtaý baǵytyndaǵy is-sharalar ótkizildi.
Astana.kz saıtynyń jazýynsha, «Jumysbastylyq» aktsııasy ótkizilgen úsh kúnniń ishinde polıtsııa qyzmetkerleri balalardyń eńbegin paıdalanýdyń 4 faktisin anyqtady. Reıdtik is-shara barysynda aýmaqtyq ІІB-ǵa túrli ákimshilik quqyq buzǵan 22 kámeletke jasy tolmaǵan jasóspirim jetkizildi. Olar buzaqylyq jasaǵan, turǵyndardyń tynyshtyǵyn buzǵan, suramsaqtyqpen aınalysyp, qańǵybastyqqa salynǵan bolyp shyqty. Esepte turǵan 190 kámeletke jasy tolmaǵan bala men 194 turmysy tómen otbasylarǵa tekserý júrgizildi»,- delingen vedomstvo habarlamasynda.
Bala tárbıesimen aınalyspaı, ata-analyq mindetin atqarmaǵany úshin 20 adam ákimshilik jaýapkershilikke tartyldy.
Astana qalasy ІІD ıývenaldyq polıtsııasy bóliminiń qyzmetkerleri zańdy ókilderiniń baqylaýynsyz túngi mezgilde kóshe kezip júrgen 14 jasar orta mekteptiń kámeletke tolmaǵan oqýshysyn anyqtady. Osyǵan baılanysty qyzdyń anasy ákimshilik jaýapkershilikke tartyldy. Sondaı-aq, polıtsııa qyzmetkerleri balalardyń eńbegin zańsyz paıdalaný faktisi boıynsha da tıisti qujattarsyz 15 jasar jasóspirimniń avtomashınada jemis-jıdek satyp turǵanyn áshkereledi. Osy faktiler boıynsha eńbek zańdylyǵyn buzǵan kináli adamdarǵa yqpal etý maqsatynda Astana qalasy Saryarqa aýdanynyń prokýratýrasyna uıǵarym jiberildi.
