Jumys tobynyń alǵashqy otyrysynda Biryńǵaı kedendik tarıfke qatysty hattamaǵa engiziletin túzetýler qaraldy
ASTANA. 1 qazan. QazAqparat - Búgin Májilistiń Halyqaralyq ister, qorǵanys jáne qaýipsizdik komıtetiniń jumys toby «2008 jylǵy 12 jeltoqsandaǵy Aıryqsha jaǵdaılarda Biryńǵaı kedendik tarıftiń mólsherlemelerinen erekshelenetin kedendik ákelý bajdarynyń mólsherlemelerin qoldaný sharttary men tártibi týraly hattamaǵa ózgerister engizý týraly hattamany ratıfıkatsııalaý týraly» zań jobasyn qarady. Bul - jumys tobynyń atalǵan zań boıy boıynsha alǵashqy otyrysy.
Jumys tobynyń jetekshisi, depýtat Zaǵıpa Balıeva 2008 jylǵy 12 jeltoqsanda Máskeý qalasynda qol qoıylǵan osy Hattamanyń mańyzdylyǵyn atap ótti.
Bul Hattama Belarýs, Qazaqstan jáne Reseı Úkimetteri arasynda jasalǵan jáne 2008 jylǵy 25 qańtardaǵy Biryńǵaı kedendik-tarıftik retteý týraly kelisimniń 4-babynyń 6-tarmaǵyn iske asyrý maqsatyn kózdeıdi.
Zań jobasynyń maqsaty, atalǵan hattamaǵa engizilip otyrǵan túzetýler týraly Qazaqstan Respýblıkasynyń Ekonomıka jáne bıýdjettik josparlaý vıtse-mınıstri QR Qorǵanys mınıstriniń orynbasary Tımýr Jaqsylyqov qysqasha baıandap berdi.
Depýtattar Ýálıhan Bıshimbaev, Tólegen Ibraev, Aleksandr Mılıýtınder qoıǵan suraqtarǵa baıandamashy jaýap berdi.
Otyrysty qorytyndylaǵan jumys tobynyń jetekshisi, Májilis depýtaty Zaǵıpa Balıeva: «Zań jobasy boıynsha anyqtaýdy qajet etetin keıbir suraqtar boıynsha naqty jaýaptar aldyq. Barlyq másele sheshimin tapty deýge negiz bar. Zań jobasy aldaǵy ýaqytta komıtettiń otyrysyna, odan keıin Palatanyń jalpy otyrysyna shyǵarylatyn bolady», - dedi.
