Jumys ornynyń alys bolǵany densaýlyqqa keri áser etedi - zertteý
NUR-SULTAN. QazAqparat - Shved ǵalymdary jumys orny alysta ornalasqan adamdardyń densaýlyǵy úıine jaqyn mańda jumys isteıtinderge qaraǵanda tómen bolatynyn anyqtady, dep jazady QazAqparat The Times of İndia basylymyna silteme jasap.
«Zertteý nátıjesinde aptasyna 40 saǵat jumys isteıtin adamdar kún saıyn jumys ornyna barý úshin jarty saǵattan kóp ýaqyt jumsaıtyn bolsa, bul onyń densaýlyǵynyń nasharlaý qaýpin 25 paıyzǵa arttyratyny belgili boldy. Sonymen qatar bul jaǵdaıda adamnyń uıqysynyń buzylý qaýpi 16 paıyzǵa ósedi», dep jazady basylym.
Avtordyń aıtýynsha, jumys aldynda jáne jumystan keıin kúızelisten arylyp, demalýǵa múmkindik bolmaıtyndyqtan, bul densaýlyqqa keri áser etedi.
Atalǵan zertteýdi Stokgolm ýnıversıtetiniń ǵalymdary júrgizgen. Zertteýge 22 myń adam qatysqan.
«Jumys kúninen keıin adamdar úıine uzaq jol júrý úshin sharshańqy bolady, fızıkalyq belsendiligi bolmaıdy. Bul densaýlyqqa keri áser etedi», dep jazady basylym.
