Jumys ornynda uıaly telefondy paıdalanýǵa tyıym salyp otyrǵan kompanııalar artyp keledi
ASTANA. QazAqparat - Jumys ornynda uıaly telefondy paıdalanýǵa tyıym salyp otyrǵan nemis kompanııalarynyń qarasy qalyńdap keledi.
Keıbir qyzmetkerler jumys kúni barysynda telefonmen sóılesýge tym kóp ýaqyt bóledi jáne ózderiniń gadjetteriniń fýntsııalarymen áýestenip, jumystary jaıyna qalyp jatady.
Zertteýshilerdiń málimetinshe, adamdy telefon men áleýmettik jeliler arqyly turaqty baılanysta ustaý, azamattardyń júıkesine keri áserin tıgizedi. Sonymen qatar telefondar jumysqa da kedergi jasaıdy, ıaǵnı qyzmeti barysynda kóp sóılesetinder qatelikterge jıi jol beredi.
Sondyqtan da jumysqa qajet bolmasa qyzmetkerlerdiń jeke kommýnıkatsııalyq qurylǵylardy paıdalanýǵa nemis kompanııalarynyń basshylary tarapynan tyıym salýǵa shekteý qoıylmaıdy. Alaıda, apat kezinde nemese týysqandary aýyrǵan jaǵdaıda uıaly telefondy paıdalanýǵa ruqsat etiledi.
