Jumys ornynda dene jattyǵýlaryn jasaýdyń paıdasy qandaı
«Jattyǵýdy biz ortalyǵymyzdyń keń dálizinde, áleýmettik araqashyqtyqty saqtaı otyryp jasaımyz. Oǵan ortalyq qyzmetkerleri, jas erekshelikterine qaramastan erikti túrde jınalady. Kóbine jattyǵýdy ózim júrgizemin. Kúnde túrli qımyl-qozǵalystar jasaımyz», - dedi Densaýlyq saqtaýdy damytý respýblıkalyq ortalyǵy bas dırektorynyń kómekshisi Rımma Shıtkenova.
Densaýlyq saqtaýdy damytý respýblıkalyq ortalyǵynyń bas dırektory Qanat Tósekbaevtyń aıtýynsha, jumys ýaqyty bastalar aldynda 10 mınýt dene jattyǵýyn jasaý adamdy sergitip, eńbek qabilettiligin arttyrady.
«Keńsede bir orynda tapjylmaı otyryp, jumys isteý densaýlyqqa keri áserin de tıgizedi. Máselen, omyrtqa qısaıady, moıynnyń qan tamyrlary bileýlenedi, júıke aýrýlary paıda bolady. Sondyqtan, býyndy jazyp, qan aınalymyn jaqsartý úshin jattyǵýǵa 10 mınýt bólgen durys. Ári bul jańashyldyqty eń aldymen qol astyndaǵy qyzmetkerleriniń densaýlyǵyn oılaıtyn ár basshy qoldaýy tıis dep oılaımyn», - deıdi Qanat Tósekbaev.
Eske sala keteıik, QR Densaýlyq saqtaý mınıstrliginiń 2020 jylǵy 28 qazandaǵy buıryǵy boıynsha dene jattyǵýymen shuǵyldanýdyń úlgilik qaǵıdalary bekitilgen bolatyn. Erejege sáıkes, dene shynyqtyrý jattyǵýlary jumys kúniniń birinshi jartysynda oryndalyp, uzaqtyǵy 10-15 mınýttan aspaýy tıis.
