Jumys mádenıetin ózgertýimiz kerek pe?
ASTANA. QazAqparat - Búgingi tańda kóp adamnyń kúndelikti istep júrgen jumysyna kóńili tolmaıdy. Bul jumys mádenıetin ózgertetin kez kelgenin bildire me? VVS basylymynda «Eńbek qýanyshy» kitabynyń avtory Brıýs Deıslıdiń maqalasy jaryq kórdi. Onda avtor adamdar úzdiksiz kezdesýler men qarbalastyń ishinde júrip óz atyn umytýǵa shaq qalǵanyn jazǵan.
«Men kitap jazý úshin eki jyl izdenip, jumys oryndaryndaǵy mádenıetti ózgertý kerektigine kóz jetkizdim. Psıhıkalyq densaýlyq qorynyń málimetterine sensek, byltyr brıtan halqynyń 74% jumys kesirinen stresske shaldyqqan. Buǵan tańǵalýǵa bolmaıdy. Sebebi búginde barlyǵymyz jumys babymen keletin elektrondy hattardy qolymyzdaǵy telefonǵa qabyldaıtyn bolǵanbyz. Zertteýlerge sensek, áriptesterimen únemi baılanysta bolýy kerek adamdar aptasyna jetpis saǵattan artyq jumys isteıdi», dep jazady avtor.
Onyń aıtýynsha, búginde jumysty nelikten istep jatqanymyzǵa emes, qalaı istep jatqanymyzǵa mán berý kerek.
«Jumys mádenıetin bireý kelip ózgertip bermeıdi. Biz ózimiz ózgertý kerekpiz. Jumys kúniniń dızaınyn ózgertý jumystan sharshamaýǵa áser etedi. Mysaly, kópshiligimiz jınalystardy unatpaıtynymyz anyq jáne bul qyzmetkerlerdiń kóp ýaqytyn alady. Sol sebepti jınalystarǵa qatysýshylar sanyn eki ese azaıtyp otyrǵan jón. Sonymen qatar juma kúni sharshap qalmas úshin dúısenbiden bastap beısenbige deıin túski asqa úzilis jasaǵan mańyzdy. Sondaı-aq jumys arasynda úzilis jasap, áriptesińmen kofe iship kelgenniń de paıdasy zor. Al jaıaý júrý shyǵarmashylyqty 81%ǵa arttyrady», deıdi avtor.
Onyń aıtýynsha, búgingi tańda jumysqa qatysty kóp talap adamdardy qarbalas tirlikke boıusynýǵa májbúrlegen.
