Jumys isteıtin ár qazaqstandyqtyń baspanasy bolýy kerek - Marhabat Jaıymbetov

NUR-SULTAN. QazAqparat - Táýelsizdik alǵaly elimizde 141 mln sharshy metr úı salynyp, 1 mln 300 myń adam turǵyn úı jaǵdaıyn jaqsartty, dep habarlaıdy QazAqparat tilshisi.

Bul týraly Ortalyq kommýnıkatsııalar qyzmetinde ótken brıfıngte QR Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov aıtty.

«2019 jyly memlekettiń qoldaýymen elimizde 30 myń adam jaldamaly pátermen qamtamasyz etildi. Bıyl maýsym aıynan bastap «Baqytty otbasy» jobasy iske qosyldy. Bul baǵdarlama aıasynda 5 myńnan astam kópbalaly, tolyq emes jáne múgedek bala asyrap otyrǵan otbasylar áleýmettik qoldaýǵa ıe boldy», - deıdi Marhabat Jaıymbetov.

Onyń aıtýynsha, kelesi jyly bul kórsetkish 10 myń adamǵa ósedi.

«Turǵyn úı saıasatynyń ıdeologııasy mynadaı - jumys isteıtin ár qazaqstandyqtyń baspanasy bolýy kerek. Turǵyn úı jáne kommýnaldyq salada júrgiziletin biryńǵaı saıasat - halyq sany ósimin, olardyń aýyldan qalaǵa kóshý úderisin, sonymen qatar ár óńirdiń ereksheligin esepke ala otyryp, eldi mekenderdiń jaıly tirshilik ortasyn damytýǵa keshendi kózqarasyn qamtamasyz etý», - deıdi ol.