Jumys isteý jaǵdaıyna shaǵymdanǵan elordalyq dárigerler jumystan qýylmaıdy

NUR-SULTAN. QazAqparat - Jumys isteý jaǵdaıyna shaǵymdanǵan elordalyq medıtsına qyzmetkerleri jumystan qýylmaıdy. Bul týraly Ortalyq kommýnıkatsııalar qyzmetinde ótken onlaın-brıfıngte Nur-Sultan qalalyq Qoǵamdyq densaýlyqty saqtaý basqarmasynyń basshysy Sáýle Qısyqova aıtty, dep habarlaıdy QazAqparat tilshisi.

Brıfıng barysynda basqarma basshysyna BAQ ókilderinen statsıonardaǵy jumys jaǵdaıyna qatysty shaǵymdanǵan elordalyq medıtsına qyzmetkerleriniń munan arǵy taǵdyryna qatysty saýal túsken bolatyn.

«Mundaı fakti oryn aldy. Áriptesterimiz, ınfektsııalyq statsıonarda jumys isteıtin orta medıtsınalyq qyzmetkerler álsizdik tanytyp, sondaı jaǵdaı oryn aldy. Búgingi kúni olar karantınde, ıaǵnı, eki aptalyq demalysta. Sodan keıin olar ózderiniń qyzmettik mindetterine kirisetin bolady. Josparymyzda olarmen qosh aıtysý joq. Olar bizben birge», - dedi ol.