Jumys istep turǵan polıgondar sanıtarlyq normalar men erejelerge sáıkes kelmeıdi - Qydyrgeldi Baıbolov
ALMATY. Aqpannyń 18-i. QazAqparat /Erlik Erjanuly/ - Almaty oblysynda 2005-2009 jyldary ekologııalyq jaǵdaıdy jaqsartý úshin bıýdjetten 649,6 mıllıon teńge bólindi. Bul búgin Almatyda ótip jatqan "Aımaqtaǵy qaldyqtarmen jumys isteý máseleleri" dep atalatyn keńeıtilgen májiliste aıtyldy,
dep habarlaıdy QazAqparat.
"Birqatar aýdan ortalyqtarynda polıgondar tolyp ketken. Uıymdastyrylmaǵan turmystyq qaldyqtar aýyl sharýashylyǵy jerlerine shyǵarylǵan. Ol jerde qaldyqtar shirip nemese órtelip qorshaǵan ortaǵa zııan keltirýde. Sonymen qatar sýlarmen shaıylyp qorshaǵan ortaǵa taralyp jer asty sýlary men sý qoımalaryn, atmosferalyq aýany lastap, tabıǵatqa, adam densaýlyǵyna zııan keltirýde", deıdi Almaty oblystyq tabıǵı resýrstar men tabıǵat paıdalanýdy retteý basqarmasy bastyǵynyń mindetin atqarýshy Qydyrgeldi Baıbolov. Onyń aıtýynsha, 2005-2009 jyldary oblys bıýdjetinen 649,6 mıllıon teńge bólinip, 3 qala, 5 kent, 2 aýylda qatty turmystyq qaldyqtardy saqtaýǵa arnalǵan polıgondar salyndy. Tabıǵat qorǵaý baǵdarlamasyna bıýdjetten 2005 jyly 142 mıllıon teńge bólinse, 2009 jyly ol 479 mıllıon teńgege jetti. Bul qorshaǵan ortany lastaǵany úshin tólenetin túsimniń 70-80 paıyzyn quraıdy. Bıyl tabıǵatty qorǵaý sharalaryna 224,7 mıllıon teńge bólinip otyr.
