Jumys berýshiniń aılyqtan qansha salyq ustap qalǵanyn qaıdan kórýge bolady
Mańǵystaý oblysy boıynsha memlekettik kirister departamentiniń málimetinshe, «e-Salyq Azamat» mobıldi qosymshasynda «Qyzmetkerdiń eńbegine aqy tóleý» servısi iske qosylǵan.
Ol qyzmetkerge eseptelgen jeke tabys salyǵynyń, zeınetaqy jarnalarynyń, mindetti áleýmettik aýdarymdardyń jáne medıtsınalyq saqtandyrýǵa áleýmettik aýdarymdardyń somalaryn qarap shyǵýǵa múmkindik beredi.
Servıste 2020 jyldyń barlyq kezeńderin qaraýǵa bolady.
Derekterdi kórý úshin elektrondy tsıfrlyq qoltańba nemese SMS qupııa sózi arqyly sáıkestendirýden ótý qajet.
SMS habarlama mobıldi azamattar bazasynda tirkelgen uıaly telefon nómirine túsedi.
Derekterdi qaraý úshin «Salyq ámııany», «Qyzmetkerdiń eńbegine aqy tóleý» qosymsha betine kirip, jyl men kezeńdi tańdaý qajet.
Bastapqy kezeńde jumys berýshisi bıýdjetpen esep aıyrysý kezinde jalpyǵa birdeı belgilengen rejımdi nemese ońaılatylǵan deklaratsııa negizinde arnaıy salyq rejımin qoldanatyn jeke tulǵalar derekterdi qaraı alady.
Málimetter bolmaǵan nemese derekter sáıkes kelmegen jaǵdaıda salyq esebin túzetý úshin jumys berýshige júginý qajet.
«E-Salyq Azamat» tegin mobıldi qosymshasyn App Store nemese Play Market-ten júkteýge bolady.
