Jumys berýshiler eńbek jaǵdaılaryn attestatsııadan ótkizýi tıis - mınıstr S.Ábdenov
ASTANA. 25 sáýir. QazAqparat - QR Eńbek jáne halyqty áleýmettik qorǵaý mınıstri Serik Ábdenovtiń aıtýynsha, vedomstvo aldaǵy ýaqytta eńbek jaǵdaılaryn attestatsııalaý jumysyna negizgi basymdyq jasaıtyn bolady.
Bul týraly ol búgin Astanadaǵy «Kórme» ortalyǵynda ashylǵan Qazaqstandaǵy eńbek jáne ónerkásip qaýipsizdigi boıynsha (KIOSH - Kazakhstan International Occupational Safety & Heath Conference) III Halyqaralyq kórme-konferentsııada aıtty.
«Eńbek jaǵdaılaryn attestatsııalaý jumysy zııandy, aýyr jáne qaýipti jumys oryndaryn anyqtaýǵa múmkindik beredi. Ony barlyq jumys berýshiler jaqsy biledi. Osyǵan qatysty bizde tıisti normatıvtik talaptar da bar. Endi, bizdiń zańnamamyzda eńbek jaǵdaılaryn attestatsııalaý jumysyna negizgi basymdyq berilmek. Sonyń negizinde biz óz qyzmetimizdi júrgizemiz», - dep atap kórsetti S.Ábdenov.
