Jumys berýshiden kepildik haty bar azamat qana «Bolashaq» halyqaralyq stıpendııasyna úmitker bolady

Bul týraly búgin Aqordada QR Memlekettik hatshysy Qanat Saýdabaevtyń tóraǵalyǵymen ótken Shetelde kadrlar daıarlaý jónindegi komıssııanyń otyrysynan keıin BAQ ókilderine suhbat bergen QR BǴM Strategııalyq josparlaý jáne aqparattyq tehnologııalar departamenti dırektorynyń orynbasary Aqerke Abylaıhan málim etti.

Alqaly jıyn barysynda «Bolashaq» baǵdarlamasymen bilim alyp kelgen azamattardyń jumysqa ornalasý máselesi kóterilgendigin basa aıtqan ol: «Jalpy, kelesi jyldan bastap «Bolashaq» stıpendııasynan úmitti azamat mindetti túrde jumys berýshiden kepildik hat tapsyrýy tıis. Stıpendııa taǵaıyndalǵannan keıin stıpenııa ıegeri, jumys berýshi jáne halyqaralyq baǵdarlamalar ortalyǵy arasynda úshjaqty kelisimshart jasalady», - dedi.

Onyń paıymynsha, shetelde bilim alyp júrgen bolashaq maman óziniń jumys berýshisiniń kim ekendigin bilýi shart. Bul stıpendııa ıegeriniń qaı taqyrypty oqýy kerektigin, neniń ózekti ekendigin baǵamdaýyna múmkindik bermek.

Esterińizge sala keteıik, búgingi otyrys barysynda 216 azamatqa «Bolashaq» stıpenııasy taǵaıyndaldy.