Jumys barysynda túrli keleńsiz oqıǵalarǵa kýá bolasyń – ýchaskelik polıtseı

Rınat Alǵojın Petropavldyń týmasy, jasy - 35-te. 2008 jyly M.Qozybaev atyndaǵy SQMÝ «quqyqtaný» mamandyǵy boıynsha támamdaıdy.

Qazir Petropavldaǵy №12 ýchaskelik polıtsııa pýnktine jaýapty ýchaskelik polıtsııa ınspektory bolyp eńbek etedi.

Іshki ister organdarynda jumys istep júrgenine bıyl 12 jyl. Zaıyby úı sharýasynda, ósip kele jatqan ul-qyzyna bas-kóz bolyp otyr.

- Rınat Márkenuly, polıtsııaǵa qyzmetke ornalasýǵa ne sebep boldy?

- Kishkentaıymnan ishki ister organdarynda jumys isteýdi, polıtsııanyń formasyn kııýdi armandadym. Meniń naǵashy atam Muqash Baıqanuly Jarylǵapov Keńes Úkimeti tusynda mılıtsııada jumys atqardy. Ol kisiniń «Úzdik tergeýshi» ataǵy bar. Bul mamandyqty tańdaýǵa atamnyń da úlesi bolǵan shyǵar.

- Ýchaskelik polıtsııa ınspektorynyń bir kúndik jumysyna ne kiredi? Qandaı mindetter júktelgen?

- Kelgen azamattardy qabyldaımyz, aryzdar-ótinishtermen jumys isteımiz. Profılaktıkalyq is-sharalar atqarylyp, tizimdik jáne profılaktıkalyq esepte turǵan tulǵalardy meken-jaıy boıynsha tekseremiz. Ákimshilik ýchaskede ákimshilik jáne qylmystyq quqyqbuzýshylyqtardy boldyrmaý úshin profılaktıkalyq jumystardy atqarý kiredi, tizimdik esepte jáne profılaktıkalyq esepte turatyn tulǵalar bizdiń jumys atqaratyn aýmaqta da az emes, olardyń ishinde 24 adam nashaqor retinde, 45 adam - alkogoldik ishimdikke salynǵandar sanaty boıynsha tizimdik esepte tur. Sondaı-aq buryn sottalǵan 14 adam jáne merziminen buryn bosatylǵan 5 adam profılaktıkalyq esepte esepte tur jáne 3 adam ákimshilik qadaǵalaýda bolýy tıis. Osy adamdardyń barlyǵyn kúndelikti mekenjaılary boıynsha tekserip, qadaǵalaýda ustaý - ýchaskelik polıtsııa ınspektorynyń mindeti. Biz árqaısymen jeke jumys isteımiz, kerek bolǵan jaǵdaıda bólimshege shaqyrtamyz.

- Óz ýchaskeńiz týraly aıtyp berseńiz, onyń basqa ýchaskelerden ereksheligi bar ma?

- Meniń qyzmet atqaratyn ákimshilik ýchaskem Petropavldyń 20 yqsham aýdanynda ornalasqan. Onyń ereksheligi – eń aldymen qalanyń shetkeri aýdandarynyń biri. Ekinshiden turǵyndar kóp shoǵyrlanǵan. Taǵy bir ereksheligi – aralas sektorly bolyp keledi, ıaǵnı kóp qabatty úıler de, jeke turǵyn úıler de bar.

- Ýchaskelik polıtsııa ınspektorlaryn ámbebap qyzmetker dep aıtýǵa bolady. Sizder ishki ister organdarynyń «otymen kirip, kúlimen shyǵasyzdar». Qıyn emes pe?

- Árbir jumystyń qıyn jaqtary bolady, bizdiń salada da óz qıyndyqtary bar. Biraq biz oǵan moıynsunbaı, árdaıym qıyndyqty eńserýge tyrysamyz. Keıbir bilmegen jerlerimizdi aǵa býynnan surap, al óz bilgenimizdi jas mamandarmen bólisemiz. Urpaqtar sabaqtastyǵy jaqsy jolǵa qoıylǵan.

Al halyqqa qol ushyn berip, muqtaj jandarǵa kómek kórsetý, aldanǵan nemese qorlyq kórgen turǵyndardyń máselelerin sheshý, ıaǵnı, jaqsy, ári paıdaly is jasap jatqanymdy seziný, meniń jumysyma degen jaýapkershiligimdi arttyrady. Osy oraıda ózimniń birinshi jumys kúnim esime túsip otyr. Meniń oıymsha, ár adamnyń birinshi jumys kúni aıyryqsha esinde qalady. Aldymen ujymmen tanystyqtan bastaldy. Olar meni jyly qarsy alyp, jumys barysymen tanystyrdy. Qoldarynan kelgenshe kómektesip, meniń jańa ortaǵa sińisip ketýime qatty yqpal jasady. Sol úshin meniń áriptesterime alǵysym sheksiz.

- Adam bolǵannan keıin barlyǵymyzǵa qorqynysh sezimi tán, jumys barysynda qoryqqan kezińiz boldy ma, máselen óz ómirińiz úshin? Nemese ómirińizge qaýip tóngen sátter boldy ma?

- Jumys barysynda neshe túrli jaǵdaılar bolady. Mysalǵa, erli-zaıyptylar arasyndaǵy daý-janjal barysynda masań kúıdegi kúıeýi kámelet jasqa tolmaǵan balalaryna zııan keltirip qoıýýy múmkin. Sondaı kezderde balalardyń ómiri men densaýlyǵyna alańdap, qorqatyn sátter bolady. Biraq men osy mamandyqty tańdaǵan kezde bul jumystyń qaýipti ekendigin jáne mundaı jaǵdaılardyń jıi bolatynyn tolyqtaı túsindim, oǵan daıyn boldym. Sol sebepti qorqynysh sezimine jol bere almaımyn.

- Jumys barysynda esińizde qalyp, qatty áser etken oqıǵa bar ma?

- Osydan 3 jyl buryn №12 polıtsııa ýchaskesine belgisiz adam qońyraý shalyp, ózin tanystyrýdan bas tartty. Ol bizdiń polıtsııa ýchaskesine qaraıtyn mekenjaılardyń birinde belgisiz bir áıel adamǵa kómek kerektigi týraly habarlady. Biz mekenjaıǵa birden attandyq. Kelgen kezde es-tússiz talyp jatqan áıeldi taptyq.

Páterde áıelden basqa eshkim bolǵan joq, alaıda páterdegi zattar, kıim-keshek shashylyp jatty. Biz tezdetip áıel adamǵa alǵashqy medıtsınalyq kómek kórsetip, jedel járdem shaqyrttyq. Jedel járdem dárigerleriniń kómeginen keıin ol kisi esin jıyp, bizge bolǵan oqıǵany aıtty.

Áıeldiń aıtýynsha, ol týǵan uly D.-men janjaldasyp qalǵan. Daý-janjal barysynda balasy anasyna qol kóterip, basynan, betinen urǵan. Alǵan soqqylardan áıel esinen tanyp qalǵan.

Onyń balasyn kóp uzamaı ustap, Petropavl qalasynyń № 1 polıtsııa bólimshesine tapsyrdyq. Bul - jaǵa ustatarlyq oqıǵa. Týǵan uly anasyna osyndaı qorlyq kórsetetin jaǵdaıǵa jetken.

- Osydan 5 jyl burynǵy jáne qazirgi ýchaskelik polıtsııa ınspektorynyń jaǵdaıy týraly aıtyp berińizshi. Ózgeris bar ma?

- Árıne, ózgeris óte kóp. Memleket basshysy byltyrǵy Joldaýynda da ýchaskelik polıtsııa ınspektorlaryna qoıylatyn talaptardy kúsheıtýmen qatar, olarǵa tıisti jaǵdaı jasaýdy da tapsyrdy.

Búgingi tańda polıtsııa qyzmetkerlerin materıaldyq qamtamasyz etý jaqsardy, eńbekaqy mólsheri joǵarylady, tehnıkalyq baza jańartylyp, jumys barysyn jeńildetetin kóptegen jańa platformalar, planshet jáne beınejetondar paıda boldy. Solardyń biri - 102 qosymshasy. Osy qosymshaǵa ár azamat tirkelip, úıden shyqpaı-aq aryz bere alady. ıAǵnı bul qosymsha turǵyndar úshin de, polıtsııa qyzmetkerleri úshin de tıimdi bolyp otyr.

- Merekege oraı áriptesterińizge ne tiler edińiz?

- Kásibı mereke qarsańynda barlyq jeke quramdy, ishki ister organdarynyń ardagerlerin, barlyq polıtsııa qyzmetkerlerin osy tamasha kúnmen quttyqtaǵym keledi.

Qurmetti áriptester! Sizderge jáne sizderdiń otbasylaryńyzǵa zor densaýlyq, baq-bereke, uzaq ǵumyr, jumystaryńyzǵa jemis jáne kásibı mansap tileımin. Aspanymyz ashyq, elimiz tynysh, bolashaǵymyz jarqyn, kók týymyz jelbirep, beıbitshiligimiz máńgi bolsyn.

- Áńgimeńizge r ahmet.