Jumys babyndaǵy ósýge týǵan kúnniń áseri bar
ASTANA. 26 qazan. QazAqparat - Kanadalyq bir top ǵalymdardyń júrgizgen zertteýleriniń nátıjesinde jazda týylǵan balalardyń eseıgen soń bastyq bolýǵa múmkindikteri az ekendigi belgili bolǵan.
Alynǵan derekter boıynsha, zertteýge qatysqan basshylardyń ishinde maýsym jáne shilde aılarynda týǵandary tym az bolyp shyqqan.
Vankýverdegi Brıtan Kolýmbııasy ýnıversıtetiniń janyndaǵy Saýder bıznes mektebiniń mamandary 1992-2009 jyldar aralyǵynda 500 kompanııanyń 375 jetekshisin zerttegen.
Zertteý kórsetkendeı, basshylardyń tek 6,13 paıyzy maýsymda, 5,87 paıyzy shildede týylǵan. Al naýryz nemese sáýir aılarynda týylǵan basshylardyń úles salmaǵy tıisinshe 12,53 jáne 10,67 paıyzdy kórsetken.
«Munyń sebebi balalar mektepke barǵan kezde maýsym-shilde aılarynda týylǵandar synyptaǵy eń kishkentaılary bolady. Sondyqtan da olar ózderin erkin sezine almaı, damý jaǵynan kenjelep qalady», - deıdi professor Morıs Levı.
Al qys jáne kóktem aılarynda týǵan balalar kerisinshe ózderin eresek sezinip, árdaıym alda bolýǵa umtylady. Bul daǵdy olar eseıip, úlken ómirge aralasqan kezinde de kóptegen jetistikterge jetýge kómektesedi, deıdi ǵalymdar.
