Jumyrtqa baǵasy bir aıda 6 paıyz qymbattaǵan
«Bıylǵy qańtar-tamyz kórsetkishi boıynsha, jergilikti kompanııalar jumyrtqaǵa degen suranysty 96,3% qamtamasyz etken. Byltyr bul kórsetkish 94,4% bolǵan edi», - dep jazylǵan málimette.
Elde tutynylǵan jumyrtqanyń 3,7%-yn ımport japqan. Naqtyraq aıtsaq, jyl basynan beri syrttan 130,8 mln dana jumyrtqa ákelingen. Bul – byltyrǵy 8 aıǵa qaraǵanda 30,9% az.
Al, eksport 2,2 ese ósti – 184,5 mln jumyrtqa syrtqa satylǵan. Іshki naryqta da jumyrtqa saýdasy 0,7% artyp, 3,3 mlrd danaǵa jetken.
«Qazan aıynyń qorytyndysy boıynsha birinshi sanattaǵy jumyrtqa baǵasy bir aıda 6,3%, al bir jylda 14,8% ósti. Bir aıda baǵanyń ósýin Ulytaý oblysynyń turǵyndary qatty sezindi: birden 19,8% kóterilgen. Sondaı-aq, Pavlodar (+14,7%) jáne Qyzylorda (+13,6%) oblystarynda da aıtarlyqtaı qymbattaý baıqaldy.
Jyldyq dınamıkada jumyrtqa baǵasy Qyzylorda oblysynda 52,2%, Qostanaı oblysynda 34,1%, Batys Qazaqstan oblysynda 32,5% qymbattady. Bul rette Almatyda baǵalar, kerisinshe, 4%, al Jetisý oblysynda 0,4% tómendedi», - dep jazady Energyprom.kz.