Jumsalmaǵan MÁMS jarnasy azamatqa qaıtarylýy múmkin be
ASTANA. KAZINFORM – Mindetti áleýmettik medıtsınalyq saqtandyrý úshin aýdarylǵan jarna kádege jaratylmasa azamattarǵa qaıtarylmaıdy. Bul týraly Kazinform agenttiginiń tilshisine bergen suhbatynda Áleýmettik medıtsınalyq saqtandyrý qory basqarmasynyń tóraǵasy Ábilqaıyr Sqaqov aıtty.
Suhbat barysynda agenttik tilshisi qor basshysynan el turǵyndary MÁMS-ke aýdarǵanymen jumsalynbaıtyn jarnalaryn qaıtarýdy usynyp jatqanyn aıta kele, osy máselege qatysy ne oılaıtyndyǵyn suraǵan edi.
«Birinshiden, adam erteń ózin ne kútip turǵanyn aıta alamaıdy. Sondyqtan medıtsınadaǵy saqtandyrý jaǵdaıy dep atalatyn medıtsınalyq saqtandyrý oryn alýy múmkin jáne ádette sen kútpegen jerden oryn alyp jatady. Qazir avtokólik sany kóp, júkteme, onyń ishinde qandaı da bir juqpaly aýrýlar da bar. Munyń bárin kovıd kezinde kózimizben kórdik. Men aýyrmaımyn nemese saqtandyrǵanmyn dep qalaı aıta alasyń?! ıAǵnı, birde-bir adam muny aıta almaıdy», - dedi ol.
Onyń atap ótýinshe, elimizde áleýmettik saqtandyrý da bar. Onyń aıasynda memleket jeńildik sanatyna kiretin 12 mln azamat úshin mindetti túrde jarna aýdarady. Jumys berýshi de qyzmetkeri úshin jáne jumysshylary ózderi úshin jarna tóleıdi.
Ábilqaıyr Sqaqov eger azamat 1 jyldyń ishinde dáriger kómegine júginbese, onda aýdarǵan jarnasy oǵan qaıtarylmaıtyndyǵyn aıtady.
«Mundaı zańda qarastyrylmaǵan. Bizde yntymaqtastyq jáne tólem ustanymy bar ekendigi jaıly aıtyp otyrmyn. Qyzmetterdiń, júginýdiń, kóleminiń, mólsherdiń sanyna qatysty shekteý joq. Eń bastysy jalaqyńyzdan 2 paıyz jarna tólem. Yntymaqtastyq degenimiz de osy. Siz ortaq pýlǵa qarajat aýdarasyz jáne búgin siz kómek qolyn usynǵanda bul kómekti atalǵan qarajatqa muqtaj jan paıdasyna jaratty. Eger erteń sizde qajettilik týyndasa, onda sizge qalǵandary kómektesedi. Al qalǵanynyń bári túsinistik pen mádenıet deńgeıinde», — dedi qor basshysy.
