Jumystan shyǵarylǵan Abaı atyndaǵy opera jáne balet teatrynyń 9 qyzmetkeri shaǵym túsirdi

ALMATY. KAZINFORM – Abaı atyndaǵy Qazaq ulttyq opera jáne balet teatrynyń qyzmetkerleri jumystan sebepsiz shyǵarylǵandaryn aıtyp, áleýmettik jelide shaǵymdandy.

— 1 shildege deıin teatrda 9 kapeldıner jumys istedi. Sol kúni eńbek demalysyna shyǵý úshin ótinish jazýǵa barǵanymyzda bizge jumystan bosatylǵanymyz týraly aıtyldy. Jumystan shyǵýymyzdyń sebebi kele jatqan teatrdyń 90 jyldyq mereıtoıymen túsindirildi. Biz teatrdyń zańgerine birneshe ret bardyq. Ol bizge dóreki túrde shtatty qysqartý týraly qujatty kórsetip, qolymyzǵa berýden bas tartty, — dedi Nazerke Ábilqasymova.

QR Mádenıet jáne aqparat mınıstrliginiń baspasóz qyzmeti Abaı atyndaǵy Qazaq ulttyq opera jáne balet teatrynyń qyzmetkerlerine qatysty jaǵdaı qoldanystaǵy zańnamaǵa sáıkes teatr qurylymyn qaıta jasaqtaýǵa baılanysty ekenin habarlady. 

— Joǵary biliktilikti qajet etetin laýazymdardy joıyp, jańa laýazymdar engizilýine baılanysty ózgerister bolyp otyr. Osy ózgeristerge qatysy bar barlyq qyzmetkerge bos laýazymdar nemese qyzmet kórsetý sharty boıynsha jumys usynylǵan, biraq olar jumystan bas tartty. Aıta keteıik, teatr barlyq ótemaqyny tóleıtin bolady, — dep habarlaıdy mınıstrlikten.

Sonymen qatar, QR Mádenıet jáne aqparat mınıstrliginde aıtylǵan jaǵdaıǵa zańdy turǵyda qyzmettik tekserý júrgizilip, onyń nátıjeleri keıinirek jarııalanatyn atap ótti.