Jumysta aty bar, ózi joq - QTJ fılıalynda «óli jandar» anyqtaldy

ASTANA. KAZINFORM — QTJ revızorlyq komıssııasy ishki tekserýler barysynda «QTJ» UK» AQ — «Avtomattandyrý jáne tsıfrlandyrý dırektsııasy» fılıalynda qyzmetkerlerdiń formaldy eńbek qyzmeti faktilerin anyqtady.

«QTJ» UK» AQ baspasóz qyzmetiniń málimetinshe, tekserý materıaldary quqyq qorǵaý organdaryna berildi. 

Osy faktige qatysty Astana qalasy boıynsha Sybaılas jemqorlyqqa qarsy qyzmet sotqa deıingi tergeý júrgizdi. Tergeý barysynda 21 mln teńge shyǵyn kelgeni dáleldendi.

Fılıal basshysynyń tapsyrmasy boıynsha formaldy jumyspen qamtylǵan adamdar jeke turǵyn úı qurylysyna qatysqany anyqtaldy.

QTJ jábirlenýshi tarap dep tanyldy jáne tergeýge tolyq kómek kórsetedi.

Qazirgi ýaqytta is materıaldary Astana qalasynyń qylmystyq ister jónindegi aýdanaralyq sotynda qaralýda.