Jumyssyzdar MÁMS aıasynda emdele alady — Májilis zań jobasyn qaraıdy

ASTANA. KAZINFORM — Májilis mindetti áleýmettik medıtsınalyq saqtandyrý máseleleri boıynsha ózgerister men tolyqtyrýlar engizý týraly zań jobasyn qaraýǵa aldy.

— Zań jobasy Úkimettiń bastamasymen ázirlendi. Ol negizgi úsh baǵyttan turady, birinshiden 2027 jylǵa qaraı kepildendirilgen kólemdegi tegin medıtsınalyq kómek paketin eki ese, ıaǵnı 57%-dan 32%-ǵa qysqartý, sáıkesinshe mindetti áleýmettik medıtsınalyq saqtandyrý paketin 68%-ǵa ulǵaıtý kózdeledi. Ekinshiden, jumys berýshiler men jumysshylardyń MÁMS qoryna tóleıtin jarnanyń joǵary shegin 10 eselengen, eń tómengi jalaqydan 50 ese arttyrý qarastyrylǵan. Úshinshiden, jergilikti bıýdjet esebinen jumyssyzdar men áleýmettik daǵdarys deńgeıine jatatyn azamattar úshin MÁMS qoryna jarna tóleý kózdelip otyr, — dedi Áleýmettik-mádenı damý komıtetiniń tóraǵasy Ashat Aımaǵambetov Májilistiń jalpy otyrysynda.

Aıta ketsek, bıyl Úkimettiń keńeıtilgen otyrysynda Memleket basshysy Qasym-Jomart Toqaev mindetti áleýmettik medıtsınalyq saqtandyrý júıesin jetildirý týraly zań jobasy jedel pysyqtalýy kerek jáne osy sessııanyń sońyna deıin qabyldanýǵa tıistigin basa aıtqan edi. 

Sondaı-aq Májilis depýtaty Ashat Aımaǵambetov MÁMS kemshilikterine toqtala kele, bir adamnyń 82 tisin emdegen faktisi týraly aıtqan bolatyn.