Jumyssyz jastar úshin Almatyda Jobfair 365 platformasy iske qosyldy

Almatyda jastardy jumysqa ornalastyrý úshin Jobfair365 biryńǵaı platformasy quryldy, dep habarlaıdy Kazinform.

Baǵdarlama úsh aspektini qamtıdy – jastardy óz mamandyǵy boıynsha jumysqa ornalastyrý qyzmeti, tegin kýrstar qyzmeti jáne qala jastaryna arnalǵan aqparattyq portal.

Budan bólek, saıtta orys jáne qazaq tilderinde qysqa merzimdi kýrstar bar.

«Qysqa merzimdi kýrstardyń tizimin anyqtaý úshin eńbek naryǵyndaǵy suranysqa taldaý júrgizildi. Taldaý jastardy tabysty jumysqa ornalastyrý úshin qajetti ózekti ári suranysqa ıe mamandyqtardy anyqtaýǵa múmkindik berdi. Osylaısha, kýrstar aqparattyq tehnologııa, tsıfrlyq marketıng, qarjy, býhgalterlik esep, jobany basqarý, kásipkerlik, dızaın, satý menedjeri, SMM menedjeri, mobılograf, grafıkalyq dızaıner, targetolog, týroperator, gıd, kýrer, haýskıper jáne taǵy basqa salalardy qamtıdy», – dep atap ótti ákimdikten.

Kýrstyń baǵytyna baılanysty sabaq 20-dan 30 adamǵa deıingi topta ótkiziledi. Paıdalanýshylar aptasyna úsh ret 2-3 saǵat oqıdy, onda oqytýdyń teorııalyq bóligi 1 - 1,5 aıǵa deıin sozylady.

Qazirgi ýaqytta portalda 3,7 myń bos jumys orny bar jáne 20 óńirden 1,5 myń jumys berýshi tirkelgen. Búginde 10,2 myń adam oqytyldy, onyń 9,2 myńy jumysqa ornalastyryldy.