Jumyssyz qazaqstandyqtar kásiptik biliktilikti tanýǵa ótinim bere alady
ASTANA. KAZINFORM — Career Enbek saıtynda jumyssyz azamattardan kásiptik biliktiligin taný úshin vaýcherler alýǵa ótinimder qabyldaý bastaldy, dep habarlaıdy Eńbekmıniniń baspasóz qyzmeti.
Bul bastama jumyspen qamtýǵa járdemdesýge, azamattardyń kásibı damýyn qoldaýǵa jáne olardyń eńbek naryǵynda básekege qabilettiligin arttyrýǵa baǵyttalǵan.
Ótinimderdi óńdeýdi jáne konsýltatsııalyq qoldaýdy barlyq kezeńderde eńbek mobıldiligi ortalyqtary júrgizetin bolady.
Bir rettik vaýcher kásibı biliktilikti taný rásiminen ótýge jáne azamattyń tıisti daǵdylary men tájirıbesiniń bolýyn rastaýǵa múmkindik beredi, bul jumysqa ornalasýdy jeńildetýge kómektesedi.
Vaýcherlerdi kásiptik biliktilikti taný ortalyqtary qabyldaıdy, bul jumyssyz tulǵalarǵa rásimnen tegin ótýge múmkindik beredi.
Vaýcher alý úshin azamattyń resmı «Jumyssyz» mártebesi bolýy, Career Enbek platformasynda tirkelýi jáne jeke kabınet arqyly onlaın ótinish berýi qajet.
Ótinimder osy jyldyń 15 qazanyna deıin qabyldanady.
Buǵan deıin Almatyda jumyssyzdyq deńgeıi 4,6 paıyzǵa tómendegenin jazdyq.