Jumyssyz azamattarǵa 6 aıǵa deıin tegin kásiptik oqý usynylady
ASTANA.KAZINFORM — Jumyssyz azamattar jańa mamandyqty tegin meńgerip, memleketten qarjylaı qoldaý ala alady. Ol úshin Eńbek jáne halyqty áleýmettik qorǵaý mınıstrligi júzege asyryp jatqan qysqa merzimdi kásiptik oqytý baǵdarlamasyna qatysý jetkilikti. Bul týraly Eńbek jáne halyqty áleýmettik qoldaý mınıstrligi málim etti.
Mınıstrligi jumyssyz azamattarǵa arnalǵan qysqa merzimdi kásiptik oqytý baǵdarlamasyn iske asyryp otyr. Oqý merzimi — 6 aıǵa deıin.
Baǵdarlama qatysýshylaryna kelesideı memlekettik qoldaý kórsetiledi:
- shákirtaqy (43 574 teńge);
- jol júrý (17 300 teńge) jáne turý (64 875 teńgege deıin) shyǵyndary;
- medıtsınalyq tekserýden ótý aqysy.
Sondaı-aq, oqýdy jumys berýshide tikeleı óndiristik ortada ótýge bolady (aıyna 86 500 teńge jalaqy qarastyrylǵan). Sonymen qatar, Skills.enbek.kz portaly arqyly onlaın biliktilikti arttyrýǵa múmkindik bar — jyl basynan beri 37 myńnan astam adam osy platforma arqyly oqydy.
Aıta keteıik, Qazaqstanda 2026 jylǵy I toqsanda jumyssyzdyq deńgeıi 4,5% boldy.
