Jumysshy mamandyqtar jyly qansha azamat marapatqa ıe boldy

ASTANA. KAZINFORM — Memleket basshysy jyl boıy óndiriste jáne áleýmettik salada eńbek etetin qyzmetkerlerdi Aqordada qarsy alyp, erekshe qurmet kórsetti. Bul týraly QR Prezıdentiniń kómekshisi — Baspasóz hatshysy Rýslan Jeldibaı óziniń Telegram arnasynda habarlady. 

— Prezıdent Jarlyǵymen jarııalanǵan Jumysshy mamandyqtary jyly kásiptik bilim berý salasyn reformalaýmen jáne qarapaıym eńbek adamdaryn dáripteýmen este qaldy. Respýblıka kúni qarsańynda ónerkásip jáne qurylys salasynda jumys istep júrgen 500-ge jýyq azamatqa joǵary marapat tabystaldy. Olardyń 138-i — eńbek dınastııasynyń ókilderi, — dep jazdy Rýslan Jeldibaı.

Sonymen qatar 130-dan astam pedagog pen ǵalym, 100-den asa medıtsına qyzmetkeri memlekettik nagradaǵa ıe boldy.

Kásibı merekelerine oraı kólik, energetıka, munaı-gaz, aýyl jáne sý sharýashylyǵy, jedel qyzmetter, bilim, ǵylym, mádenıet, jýrnalıstıka salasynyń ókilderine erekshe syı kórsetildi.

Osydan buryn bıyl Prezıdent qansha normatıvtik-quqyqtyq aktige qol qoıǵany belgili boldy.

Sondaı-aq bir jyl ishinde Memleket basshysy 23 ret shetelge shyqqany anyqtaldy.

Budan bólek Qasym-Jomart Toqaev bıyl elimizdiń 9 óńirine jumys saparymen bardy.