Jumysshy mamandyqtar jyly: Astanada kezekti bos jumys oryndary jármeńkesi ótedi

ASTANA. KAZINFORM – Elordada 50-den astam jumys berýshiniń qatysýymen bos oryndar jármeńkesi ótedi, dep habarlaıdy elorda ákimdiginiń resmı saıty.

28 aqpanda Astanada jumysshy mamandyqtar jylyna oraılastyrylǵan bos oryndar jármeńkesi uıymdastyrylady. Nura aýdany ákimdiginiń uıymdastyrýymen ótetin is-sharada 50-den astam jumys berýshi bilim berý men medıtsınadan bastap bıznes pen memlekettik qyzmetke deıingi túrli salada 200-den astam bos jumys ornyn usynady.

Jármeńke «Barys Arena» muz saraıynda (Turan dańǵyly, 57) saǵat 13:00-den 20:00-ge deıin ótedi. Kirý tegin. Jármeńkege barlyq jastaǵy turǵyndar qatysa alady. 

Kelýshiler kompanııa ókilderimen tikeleı sóılesip, eńbek jaǵdaılary jáne jumys kestelerimen tanysyp, túıindemelerin qaldyrýy tıis. 

Eske sala keteıik, buǵan deıin Astanada aýyl sharýashylyǵy jármeńkesi 22-23 aqpanda ótetinin habarlaǵan edik.