Jumysshy mamandyqtar jyly: 5 myńnan astam kolledj qyzmetkeri biliktiligin arttyrdy

ASTANA. KAZINFORM — Bıylǵy jyly 5000-ǵa jýyq kolledj qyzmetkeri «Talap» KeAQ uıymdastyrǵan zamanaýı pedagogıkalyq quraldardy engizý, bilim berý protsesin tsıfrlandyrý jáne tájirıbege baǵyttalǵan oqytýdy kúsheıtý baǵytynda biliktilikti arttyrý kýrstarynan ótti. Bul týraly Oqý-aǵartý mınıstrliginiń baspasóz qyzmeti habarlady. 

Onyń ishinde 4500 pedagog pen 580 kolledj dırektory qamtyldy.

Kýrstar 11 baǵyt boıynsha júrgizildi, onyń ishinde IT, elektr energetıkasy, qurylys, aýyl sharýashylyǵy, tigin jáne dánekerleý óndirisi, avtomobıl kóligi men qoǵamdyq tamaqtaný salalary bar.

— Kolledj dırektorlary men olardyń orynbasarlarynyń biliktiligin arttyrýǵa erekshe kóńil bólindi. Oqytý baǵdarlamalary basqarýshylyq quzyretterdi damytýǵa, bıznes-protsesterdi tıimdi basqarýǵa jáne kolledjderdiń tsıfrlyq transformatsııasyna baǵyttaldy, — dep atap ótti Oqý-aǵartý mınıstrligi Tehnıkalyq jáne kásiptik bilim departamentiniń dırektory Áset Muhanbetov.

Pedagogter elimizdiń jetekshi óndiristik alańdarynda uıymdastyrylǵan taǵylymdamada óz bilimderin jetildirip, salalyq ozyq tájirıbelerdi meńgerdi. 

Aıta ketelik 2026 jylǵy UBT-nyń shekti baldary belgili boldy.