Jumysshy mamandyǵynyń jańa ıdeologııasyn jasap jatyrmyz – Tamara Dúısenova
ASTANA. KAZINFORM – Premer-mınıstrdiń orynbasary Tamara Dúısenova jumysshylar mamandyǵy jylynyń mańyzyna toqtaldy.
- Festıvalge 200-ge jýyq iri, shaǵyn jáne orta bıznes ókilderi qatysyp jatyr. Sonymen qatar joǵary oqý oryndary men kolledjder jáne ǵylymı zertteý ınstıtýttary qatysyp otyr. Bes kúnniń ishinde ınnovatsııalyq sessııalar, hakatondar ótkizedi. Jumysshy mamandyǵynyń jańa ıdeologııasyn jasap jatyrmyz. Jumysshy mamandyǵyn biz barlyq ýaqytta eń tómen ónimdi maman dep aıtamyz, búgin olaı emes. Búginde jumysshy maman degenimiz - jańa tehnologııamen jumys isteıtin, zamanaýı tehnologııamen jumys isteıtin kásiporyndardy basqaratyn operator, tehnıkter. Sonymen qatar dron jasap, jınaıtyn mamandar. Mamandyq tańdap júrgen, mamandyǵyn tańdap qaıda baryp jumys isteımin dep júrgen jastar osy jumysshylar qalasy arqyly jumys ornyn taba alady, - dedi Tamara Dúısenova BAQ ókilderiniń saýalyna jaýap bere turyp.
Búgin elordada jumysshy mamandyqtarynyń festıvali bastaldy.
Festıval aıasynda bes kún boıy semınarlar, munaı jáne energetıka ónerkásibi taqyryptary boıynsha hakaton, mamandyqtar sherýi, bos jumys oryndary jármeńkesi, startaptardyń tusaýkeseri, mashına jasaý boıynsha sheberlik sabaqtary, kontser pen halyqaralyq akkredıttelgen kolledjderdiń trenıngi sekildi is-sharalar ótedi.
Aıta keteıik, «Jumysshy mamandyqtar qalasy» festıvali kún saıyn saǵat 10:00-den 18:30-ǵa deıin Astana qalasy Máńgilik el dańǵyly, 53/1 mekenjaıy «EXPO» halyqaralyq kórme ortalyǵynda ótip jatyr.
Eske sala keteıik, ótken jyly qyrkúıekte Memleket basshysy Qazaqstan halqyna dástúrli Joldaýynda 2025 jyldy jumysshy mamandyqtary jyly dep jarııalanatyny týraly habarlaǵan edi.