Jumyspen qamtýda «tizesi shyqqan» sharalardy qoldanýdamyz – Ashat Aımaǵambetov
ASTANA. KAZINFORM – Májilis depýtaty Ashat Aımaǵambetov eńbek naryǵyndaǵy teńsizdik pen mamandar tapshylyǵy máselesin kóterdi.
«Biz maman jetispeıdi deımiz, biraq «gıdromelıoratsııa» mamandyǵyna bólingen granttarǵa birde-bir adam ótinish bermegen. ıAǵnı konkýrsta 0 adam boldy. Kólik qurylystary boıynsha bólingen 300 granttyń tek 29-yna adam qabyldandy. ıAǵnı bir grantqa 0,1 adam kelip otyr. Bul mysaldar kadr tapshylyǵy kúrdeli másele ekenin aıqyn kórsetedi. ıAǵnı problema tek grant sanynda álde onyń durys bólinbeýinde ǵana emes. Tipti, olardy daıyndaıtyn kolledjder men ýnıversıtetterdiń bolmaýynda nemese olardyń oqytý sapasynda emestigi bárimizge anyq dep oılaımyn», - dedi A. Aımaǵambetov Májiliste «Qazaqstannyń eńbek naryǵyn damytý jáne kadrlyq áleýetin nyǵaıtý» atty Úkimet saǵatynda.
Onyń aıtýynsha, 2008 jyldan bastap jumyspen qamtýdyń 5 baǵdarlamasy qabyldandy. ıAǵnı ár eki jyl saıyn jańa baǵdarlama qabyldanyp otyrǵan.
«Olar qandaı nátıje berdi? Eger jumyspen qamtý sharalaryn negizgi quraldary men ádisteri arqyly taldaıtyn bolsaq, osy jyldar boıy kontseptýaldy túrde aıtarlyqtaı ózgermegenin jáne negizinen ýaqytsha sıpatta bolǵanyn baıqaımyz. Biz áli kúnge deıin kóbinese «tizesi shyqqan» sharalardy qoldanýdamyz. Jańa júıeli sharalar az, sol baıaǵy ýaqytsha jumys oryndaryn qurý, oqytý jáne qaıta oqytý, shaǵyn nesıe berý jáne basqalary. Al jergilikti deńgeıde bul sharalar qoǵamdyq jumystarǵa tartýdan, áleýmettik jumys oryndaryn usynýdan jáne jastar praktıkasynan asa almaı otyr. Osy sharalardyń qanshalyqty tıimdi ekenin de zerttep jatqan eshkim joq», - deıdi depýtat.
A. Aımaǵambetov Úkimet esebinde jyl saıyn shamamen 900 myń adam jumysqa ornalasatynyn, jylyna mıllıonǵa jýyq adam jumysqa ornalassa da, jumyssyzdyq deńgeıi ózgerissiz qalyp otyrǵanyn synǵa aldy.
